борис җонсон: виладимир путин буниңдин кейин чеграсида натони техиму көп көридиған болиду
әнгилийә баш министири борис җонсон русийә пирезиденти виладимир путинниң буниңдин кейин ғәрбий чеграсида шималий атлантик әһди тәшкилатини техиму көп көридиғанлиқини ейтти.
түркийә авази радийоси хәвири: җонсон испанийәниң мадридта өткүзүлгән шималий атлантик әһди тәшкилати башлиқлар йиғиниға кетивитип байанат бәрди.
русийә украинаға һуҗум қилғандин кейин, путинниң ғәрбий чеграсида шималий атлантик әһди тәшкилатини техиму аз көрүшини үмид қилғанлиқини әскәрткән җонсон, «әмма у пүтүнләй хаталашти, путин буниңдин кейин шималий атлантик әһди тәшкилатини техиму көп көрүшни башлайду» деди.
җонсон мадридтики шималий атлантик әһди тәшкилати башлиқлар йиғининиң нурғун җәһәтләрдин тарихий әһмийәткә игә икәнликини тәкитләп, «финландийә вә шивитсийәдин ибарәт икки йеңи әзайимиз болиду, бу иттипақимиз үчүн чоң бир қәдәм» дегән сөзләрни ишләтти.
җонсон башлиқлар йиғинида украинани техиму бәк қоллап - қуввәтләшни қарар қилидиғанлиқлирини һәмдә шималий атлантик әһди тәшкилатиниң чекиндүргүч күчи вә мудапиәсини күчәйтидиғанлиқлирини ейтти.
испанийә дөләт мудапиә министири маргарита роблесму түнүгүн башлиқлар йиғини өткүзүлгән <IFEMA> йәрмәнкә мәйданидики ахбарат мәркизидә имзаланған үч тәрәп әһдинамиси һәққидә тохтилип, «түркийәниң ветосини бикар қилишини иҗабий қарши алимиз. испанийә түркийәдә вәтәнпәрвәр башқурулидиған бомба мудапиә системиси болған бир дөләт. биз һәр бир дөләтниң мәйданиға һөрмәт қилимиз, әмма түнүгүн иттипақлиқ учури бериш үчүн зор күч чиқирилди. бу дәвр иттипақлиқ дәври» деди.
роблес испанийә болуш сүпити билән түркийә, финландийә вә шивитсийә тәрипидин көрситилгән тиришчанлиқларға интайин иҗабий баһа беридиғанлиқини билдүрүп, «испанийәму бу келишимниң мадридта түзүлгәнликидин интайин хушал» деди.
