wiladimir putin: «amérikaning yawropada 200 dane yadro taktikiliq bombisi bar»

rusiye pirézidénti wiladimir putin bélorusiye bilen xelqara oghut bazirida xéridarlarning barliq éhtiyajini qamdash üchün özlirige baghliq pütün tedbirlerni ishqa sélish toghruluq kélishim hasil qilghanliqini élan qildi.

1848225
wiladimir putin: «amérikaning yawropada 200 dane yadro taktikiliq bombisi bar»

türkiye awazi radiyosi xewiri: putin bélorusiye pirézidénti aléksandér lukashénko bilen sant pétirsburgda körüshti. uchrishitin ilgiri bergen bayanatida, rusiye bilen bélorusiyening dunya baziridiki eng chong oghut bilen teminligüchi ikenlikini eskertti.

wiladimir putin: «oghutning kemchil bolushi elwette kéler yilliq hosulgha bolghan ümitlirimizni töwenletmekte. bularning hemmisi tolimu échinishliq. biz siler (bélorusiye)  bilen hemme ishni qilishta istémalchilarning we xéridarlarning telipini qamdash üchün bizge baghliq pütün tedbirlerni ishqa sélish kélishimi hasl qilduq» dédi.

 

putin rusiye bilen bélorusiye otturisida ashliq tiransporti mesilisi yoqliqini bildürüp, rusiyening ötken yili dunya bazirini 40 milyon tonna ashliq bilen teminligenlikini eskertti we kéler yili hosul mezgilide 50 milyon tonnidin artuq ashliq yetküzüshke teyyar ikenlikini éytti.

rusiye bilen bélorusiyening bixeterlikige dair köz qarishinimu otturigha qoyghan putin, «amérikaning yawropada 200 dane yadro taktikiliq bombisi bar, bularning köpinchisi atom bombisi. bu 200 bomba shimaliy atlantik ehdi teshkilatigha eza 6 yawropa dölitide saqlanmaqta. bularni ishlitish üchün 257 ayropilan teyyarlidi. bu ayropilanlar amérikaning bolupla qalmay, men tilgha alghan döletlerningmu ayropilanliridur» dédi.

putin amérika we shimaliy atlantik ehdi teshkilati döletlirining chégragha yéqin yerlerde yadro qoralliri bilen élip barghan uchush meshiqlirige intiqam xaraktérliq jawab qayturushning hajiti yoqluqini bildürüp, bélorusiye armiyesige tewe «Su-25» tipliq ayropilanlarning rusiyede zamaniwilashturilishini tewsiye qildi.



مۇناسىۋەتلىك خەۋەرلەر