pakistan hindistangha naraziliq bildürdi
pakistan tashqi ishlar ministirliqi hindistanning 2023 - yilliq g 20 döletler guruhi yighinini jammu keshmirde ötküzüsh pilanigha naraziliq bildürüp, özlirining buni qobul qilmaydighanliqini élan qildi.
türkiye awazi radiyosi xewiri: pakistan tashqi ishlar ministirliqi teripidin élan qilinghan bayanatta, hindistan taratqulirida yéngi déhli dairilirining g 20 döletler guruhi yighinini jammu keshmirde ötküzidighanliqi toghrisida bezi xewerlerning chiqqanliqi bildürüldi.
bayanatta, jammu keshmirning xelqarada pakistan bilen hindistan otturisidiki talash-tartishliq rayon dep teriplinidighanliqi eskertilip, hindistanning bu xil teshebbusining ret qilinidighanliqi uqturuldi.
rayonning 1947 - yildin buyan «hindistanning mejburiy we qanunsiz ishghaliyiti» astida turuwatqanliqi tekitlengen bayanatta yene, jammu keshmir munazirisining b d t bixeterlik kéngishining kün tertipide turiwatqinigha 70 yildin ashqanliqi eskertildi.
bayanatta, g 20 döletler guruhi yighinlirining jammu keshmirde pilanlinishining xelqara jemiyet hergiz qobul qilalmaydighan külkilik ehwal ikenliki uqturuldi.
«NDTV» qanilining xewiride, yéngi déhli dairilirining 2023 - yilliq g 20 döletler guruhi yighinini jammu keshmirde échishni pilanlighanliqi we hindistan tashqi ishlar ministirliqining rayondiki munasiwetlik organlargha zörür bolghan teyyarliqlarni qilish buyruqi chüshürgenliki bildürülgen idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.