مىلوراد دودىك ئەردوغاننىڭ بوسنىيە-گېرتسېگوۋىنانىڭ ئىچكى يارىشىشى قارىشىنى قوللايدىغانلىقىنى بىلدۈردى

تۈركىيە ئاۋازى رادىيوسى خەۋىرى: دودىك سېربىيە جۇمھۇرىيىتى رادىيو-تېلېۋىزىيەسىنىڭ سوئاللىرىغا جاۋاب بېرىپ، جۇمھۇر رەئىس ئەردوغاننىڭ بوسنىيە-گېرتسېگوۋىنادىكى ھەر قايسى پارتىيەلەرگە ئادىل ۋە دوستانە مۇئامىلە قىلىدىغانلىقىنى ۋە دۆلىتىنىڭ ئىچكى يارىشىشىنى قوللايدىغانلىقىنى ئېيتتى.

ئۇ، ئەردوغاننىڭ دۆلىتىدىكى ساقلىنىۋاتقان مەسىلىلەرگە سەزگۈر قارايدىغانلىقىنى تىلغا ئېىلپ، ئۆزىنىڭ جۇمھۇر رەئىس ئەردوغاننى بوسنىيە-گېرتسېگوۋىنانىڭ جۇمھۇرىيەت سېرىب جۇمھۇرىيىتى قارمىقىدىكى بانجا لۇكا شەھىرىگە تەكلىپ قىلغانلىقىنى بىلدۈردى.

دودىك يەنە، ئۆزىنىڭ ھەر قانداق ئەھۋالدا سېرىب جۇمھۇرىيىتىنىڭ مەنپەئەتىنى قوغداشقا تەييار ئىكەنلىكىنى سۆزلىرىگە ئىلاۋە قىلدى.