исраилийә дөләт хәвпсизлик күчлири 3 пәләстинликни өлтүрди
исраилийә дөләт хәвпсизлик күчлириниң ишғал астидики ийордан дәрйасиниң ғәрбий қирғиқиға җайлашқан җенин шәһиригә бастуруп кириш һәрикити давамида 3 пәләстинлик һайатидин айрилди, 8 и йариланди.
түркийә авази радийоси хәвири: сәһийә министирлиқи тәрипидин елан қилинған йазма байанатта, «исраилийә дөләт хәвпсизлик күчлириниң җенин шәһиридә оқ чиқириши нәтиҗисидә 3 пәләстинлик қаза қилди, 8 и йариланди» дейилди.
пәләстин дөләтлик телевизийәсиниң хәвәр қилишичә, исраилийә дөләт хәвпсизлик күчлириниң бастуруш һәрикити давамида қаза қилған пәләстинликләр бәра ләһлуһ, ләйс әбу сурур вә йүсүф салаһ икән.
шаһитларниң билдүрүшичә, исраилийә әскәрлири, җенин шәһиригә бастуруп кириш һәрикити давамида, 4 пәләстинлик олтурған бир аптомобилни оққа тутқан.
вәқәдин кейин, исраилийә әскәрлири билән онларчә пәләстин оттурисида сүркилиш йүз бәргән.
исраилийә әскәрлири пәләстинликләргә оқ чиқарған вә йаш аққузуш бомбиси арқилиқ мудахилә қилған.
вәқәләр һәққидә исраилийә даирилири тәрипидин техичә байанат елан қилинмиған.
