ғәрбий балқан райони арқилиқ йавропа иттипақи дөләтлиригә қанунсиз киргәнләрниң сани ашти
ғәрбий балқан райони арқилиқ йавропа иттипақи дөләтлиригә киргән қанунсиз көчмәнләрниң сани бултурқидин 3 һәссә көпәйди.
түркийә авази радийоси хәвири: йавропа чегра бихәтәрлик тәшкилати «Frontex» ортақлашқан әң йеңи санлиқ мәлуматларға қариғанда, бу йилниң алдинқи бәш ейида ғәрбий балқан райони арқилиқ йавропа иттипақиға қанунсиз киргән көчмәнләрниң сани 40 миң 675 кә йәткән.
бу сан бултурқи охшаш мәзгилдикигә селиштурғанда 3 һәссә йуқири.
йавропа чегра бихәтәрлик тәшкилати «Frontex» бу көчмәнләрниң көпинчисиниң сүрийәлик вә афғанистанлиқ икәнликини елан қилди һәмдә көпинчисиниң ғәрбий балқан дөләтлиридә бир мәзгил турғанлиқи ениқланғанлиқини билдүрди.
санлиқ мәлуматларға асасланғанда, йавропа иттипақи дөләтлиригә җәмий 86 миң 420 көчмән қанунсиз киргән.
24 - февралда башланған украина урушидин қачқанлар буниң сиртида.
йавропа чегра бихәтәрлик тәшкилати «Frontex» ниң қаришичә, уруш башланғандин буйан украина вә молдовадин тәхминән 5 йерим милйон украина пуқраси йавропа иттипақи дөләтлиригә көчүп кәлгән.
