putin: émbargolar bikar qilinsa, ashliq kirizisining hel qilinishigha töhpe qoshushqa teyyarmiz

türkiye awazi radiyosi xewiri: rusiye pirézidéntliq mehkimisi - kirémil bayanat élan qilip, wiladimir putinning italiye bash ministiri mariyo diragi bilen ötküzgen téléfon söhbiti jeryanida, normal paraxotlarning qaradéngiz we azak (azow) déngizidiki portlardin bixeter chiqishi üchün her küni insanperwerlik karidori échiwatqanliqi hemde ukrainaning rusiye bilen bolghan söhbetlerni tonglitip qoyushi toghrisida toxtalghanliqini bildürdi.

dunya ashliq bixeterliki mesilisimu tepsiliy muhakime qilinghan söhbet esnasida, putinning, rusiyening dunya bazarlirini yéza igilik mehsulatliri bilen teminlesh jehette mesile barliqi toghrisidiki eyibleshlerning asassiz ikenlikini otturigha qoyghanliqi we bu sahede bash kötürgen mesililerning ishlepchiqirish, eshya oboroti zenjiridiki égiz - peslikler we gherb döletlirining yuqum mezgilikidiki maliye siyasetliri bilen munasiwetlik ikenlikini ilgiri sürgenliki eskertildi.

ashliq sahesidiki mesililerning amérika we yawropa ittipaqining rusiyege qaratqan jazaliri bilen birlikte éghirliship ketkenliki tekitlengen téléfon söhbiti jeryanida, putin, gherb döletlirining siyasiy nishanlarni közlep yolgha qoyghan émbargolarni bikar qilishi sherti bilen, rusiyening ashliq we oghut éksport qilish arqiliq ashliq kirizisini yéngish üchün muhim töhpe qoshushqa teyyar ikenlikini eskertti.