йавропа иттипақи маймун чечики вируси ваксинасини сетивалиду
йавропа иттипақиға әза 27 дөләт маймун чечики вируси (monkeypox) ға қарши ваксина вә дора сетивалидиғанлиқини елан қилди.
1832867
түркийә авази радийоси хәвири: испанийә сәһийә министири каролина дарийас байанат елан қилип, данийәниң баварийан нордик (Bavarian Nordic) ширкити ишләпчиқарған, йавропа дора агентлиқи тәстиқлиған маймун чечики ваксинаси имванекс (Imvanex) ниң, йавропа иттипақида маймун чечики вирусиға қарши сетивелинидиғанлиқини билдүрди.
у мәзкур ваксинаниң қайси йаш гурупписи вә бемарларға әмлинидиғанлиқи тоғрисида мәлумат бәрмиди.
испанийә йавропада маймун чечики вируси әң көп көрүлгән дөләт болуп қалди.
испанийә сәһийә министирлиқиниң әң йеңи мәлуматлириға асасланғанда, испанийәдә 59 киши маймун чечики вируси билән йуқумланған.
