иранда 10 қәвәтлик бир бина өрүлүп чүшүш вәқәсидә қаза қилғанларниң сани 18 гә йәтти
иранниң ғәрбий җәнубидики хузистан өлкисигә қарашлиқ абадан шәһиридә 23 - майда 10 қәвәтлик бир бинаниң өрүлүп чүшүши сәвәбидин қаза қилғанларниң сани 18 гә йәтти.
түркийә авази радийоси хәвири: иран оқуғучилар хәвәр агентлиқи (ISNA) ниң билдүришичә, абадан валийси еһсан аббасипур бина харабилиқи астидин издәп қутқузуш хизмәтлириниң давамлишиватқанлиқини ейтқан.
абадан валийси еһсан аббасипур, «абаданда бина өрүлүп чүшүш сәвәбидин қаза қилғанларниң сани 18 гә, йариланғанларниң сани 37 гә йәтти» дегән.
абаданниң тәһләнҗи әмири районида селиниватқан 10 қәвәтлик «абадан чоң шәһәр сода мәркизи» намлиқ бина 23 - май дүшәнбә күни өрүлүп чүшкән иди.
хузистан баш мупәттиши садиқ җафери чәгәни тәкшүрүш даирисидә, абиданниң һазирқи вә сабиқ икки шәһәр башлиқи билән бинаниң тәкшүргүчилири болуп, җәмий 10 кишиниң қолға елинғанлиқини елан қилған иди.
бина харабилиқиниң астида һазирму тәхминән 50 кишиниң барлиқи мөлчәрләнмәктә.
