ئىراقتا تېررورلۇق تەشكىلاتى دائېشنىڭ مىنامىيوت ھۇجۇمىدا 1 كىشى قازا قىلدى

تۈركىيە ئاۋازى رادىيوسى خەۋىرى: ئىراق ھۆكۈمىتىگە تەۋە بىخەتەرلىك ئاخبارات تورى تەرىپىدىن ئېلان قىلىنغان يازما باياناتقا ئاساسلانغاندا، تېرورلۇق تەشكىلاتى دائېش ئەزالىرى دىيالانىڭ ئىسلاخ يېزىسىغا مىناميوت بىلەن ھۇجۇم قىلغان.

مىناميوت ئوقى 2 ئۆيگە چۈشۈپ، بىر ئائىلىدىن 1 كىشى قازا قىلغان ۋە 5 كىشى يارىلانغان.

باياناتتا، يېزىلاردا دائېش تېررورچىلىرىنى تۇتۇش ھەرىكىتىنىڭ باشلانغانلىقى ۋە رايوندا دائېش ھۇجۇملىرىنىڭ كۆپىيىشىدىن ئەندىشە قىلىنىۋاتقانلىقى بىلدۈرۈلگەن.