iranda polkownik hesen seyyad xudayi üchün depne murasimi ötküzüldi

türkiye awazi radiyosi xewiri: téhran imam hüseyin meydanida ötküzülgen murasimgha minglighan kishi qatnashti. murasimgha inqilabni muhapizet qilish armiyiesining yuqiri derijilik qomandanlirimu qatnashti.

depne murasimida «amérikigha ölüm», «israiliyege ölüm», «intiqam, intiqam» dégep shoarlar towlandi we matem mersiyeliri oquldi.

xudayining depne murasimigha qatnashqan iran inqilabni muhapizet qilish armiyiesi bash qomandani hüseyin selami shoarlargha jawab bérip, «intaqiming choqum élinidu» dédi.

murasimdin kéyin, xodayining jesiti behsheti-zehra qebristanliqigha élip bérilip depne qilindi.

iran inqilabni muhapizet qilish armiyesining «quddus etriti» ge qarashliq polkownik seyyad xudayi yekshenbe küni paytext téhrandiki öyige yéqin jayda hujumgha uchrighan idi.

iran inqilabni muhapizet qilish armiyesi motsiklit miniwalghan ikki hujumchining xudayining béshigha oq atqanliqini we xudayining nex meydanda qaza qilghanliqini shundaqla hujumchilarni tutush xizmetlirining bashlanghanliqini élan qilghan idi.

iranliq polkownik xudayining süriyedimu iran inqilabni muhapizet qilish armiyesi tarmiqida wezipe ötigenliki bildürülgen idi.