маймун чечики вирусиниң кәң тарқилиш еһтимали төвән
игилинишчә, маймун вируси йавропа иттипақиға әза 9 дөләттә 67 адәмдә байқалған болуп, бу кесәлниң кәң хәлқ аммисиға тарқилиш еһтималлиқи интайин төвән икән.
түркийә авази радийоси хәвири: йавропа кесәлликләрниң алдини елиш вә контрол қилиш мәркизи(ECDC) илгири 8 дөләттә 85 дәп елан қилған маймун чечики вирусиға мунасивәтлик вәқә санини 67 гә өзгәртти.
йавропа кесәлликләрниң алдини елиш вә контрол қилиш мәркизиниң тәкшүрүш нәтиҗисигә қариғанда, 15-майдин 23-майғичә австрийә, белгийә, фирансийә, германийә, италийә, голландийә, португалийә, испанийә вә шиветсийә қатарлиқ дөләтләрдә маймун чечики вирусиға мунасивәтлик вәқәләр көрүлгән.
билдүрүлишичә, бу кесәллик йуқумланған кишиниң шилимшиқ пәрдиси билән учришиш, зәхмиләнгән терә йаки узун муддәт йүз туранә учришишта нәпәс йоли тамчилири арқилиқ йуқидикән.
йавропа кесәлликләрниң алдини елиш вә контрол қилиш мәркизиниң директори андейа аммон (Andea Ammon): «байқалған кесәлликләрниң көпинчисидә, йеник кесәллик аламәтлири көрүлиду. кесәлликниң кәң тарқилиш еһтимали интайин төвән» деди.
