rusiyening irqiy qizghinchiliqigha uchrighan  bucha shehiri qaytidin janlinishqa bashlidi

türkiye awazi radiyosi xewiri: paytext kiyéwgha yéqin bucha shehiri 24-féwralda bashlanghan rusiye - ukraina otturisidiki urushning eng chongqur izlirini baghrigha basqan bolup, ul eslihe, mektep we nurghun imaretler ishlitishke bolmaydighan halgha kélip qalghan idi.

bir tereptin buchada xarabilikler astidin puqralarning jesitini chiqirish xizmetliri dawamlashmaqta. yene bir tereptin hujum sewebidin döletning bashqa bixeter jaylirigha ketkenler sheherge qaytip kelmekte we tertipini qaytidin eslige keltürüshke tirishmaqta.

buchada magzén, qehwexana, bir qisim karxanilar we bazar orunliri paaliyetlirini qaytidin bashlidi.

paytext kiyéwgha yéqin bucha shehirini 1 - aprélda rusiye armiyesidin azad qilghan ukraina qisimliri binaliri weyran bolghan, kochiliri jesetler bilen tolghan sheherni uchratqan idi.

kiyéw etrapidiki azad qilinghan jaylardin 410 puqraning jesiti tépilghan idi.