kolombiye pirézidénti: türkiye bilen istiratégiyelik hemrahliqtin xursenmiz

türkiye awazi radiyosi xewiri: kolombiye pirézidénti iwan duk markuz, tünügünki istanbul ziyariti we türkiye – kolombiye munasiwetliri heqqide axbarat wasitilirigha bergen bayanatida, ikki dölet otturisidiki soda omumiy sommisining barghanséri éshiwatqanliqini, nöwette türkiye – kolombiye otturisidiki soda omumiy sommisining 500 milyon dollardin ashqanliqini, buning nahayiti muhimliqini, kelgüsi yillarda ikki hesse köpiyish mumkinchilikining barliqini eskertish bilen bir waqitta, türkiyening dölitide ul eslihe we sijil énérgiyeni öz ichige alghan sahelerge meblegh sélishidin intayin xursen ikenliklirini, bularning dawam qilishini ümid qilidighanliqini, kolombiyeningmu yéngi mehsulatlar bilen türkiye bazarlirigha kirishni arzu qilidighanliqini, türkiye shirketlirining kolumbiyede yerlik shériklerni éniqlap chiqishi we kolombiye shirketlirining türkiyege kélip yoshurun bazar we xéridarlarni izdishi mesiliside közge körünerlik ilgirileshlerning boluwatqanliqini, türkiye – kolombiye otturisidiki munasiwetlerning «istiratégiyelik hemrahliq» sewiyesige yetküzülüshidin özlirini shereplik hés qilidighanliqlirini tekitlep mundaq dédi: «türkiye jumhuriyiti jumhur reisi rejep tayyip erdoghanning bu heqtiki qararini qizghin alqishlaymen, buningdin tolimu xursenmiz hem özimizni shereplik hés qilimiz. türkiye armiyesi heqqide ishlengen <börü> namliq téléwiziye tiyatirini birqanche qétim kördüm. méningche bu qaltis téléwiziye tiyatiri bolup, buni köridighanlar nahayiti köp.»

u yene, her ikki dölettiki téléwiziye tiyatiri sahesining bir yerge jem qilinip, türkiye – kolombiye ortaq téléwiziye tiyatirining royapqa chiqirilishini ümid qilidighanliqlirinimu sözlirige ilawe qildi.