zélénskiy: rusiyening doonbastiki jinayetliri irqiy qirghinchiliqning delil-ispatliri

ukraina pirézidénti wolodimir zélénskiy rusiyeni ukrainaning sherqidiki donbas rayonini jehennemge aylandurush bilen eyiblidi.

1829743
zélénskiy: rusiyening doonbastiki jinayetliri irqiy qirghinchiliqning delil-ispatliri

türkiye awazi radiyosi xewiri: pirézidént wolodimir zélénskiy xelqqe xitab qilip sözligen nutuqida, rusiye armiyesining donbas rayonini «tüptüz qiliwetkenliki» ni bildürüp: «odéssa rayoni we ukrainaning merkizidiki sheherler izchil hujumgha uchrawatidu. donbas pütünley yoq qiliwétildi» dédi.

u rusiye armiyesining yéqinqi heptilerdiki asasiy hujum nishanigha aylanghan donbas toghrisida toxtilip: «ukraina armiyesi xarkiw rayonining azad qilinishi üchün herbiy heriketlirini dawamlashturuwatidu. emma, donbasta tajawuzchilar bésimni kücheytishke tirishiwatidu. u yer jehennemge aylandi. bu mubalighe emes. séwérodonétskning rehimsizlerche bombardiman qilinishi netijiside, bir kün ichidila 12 kishi jénidin ayrildi, onlarche kishi yarilandi. rusiye bularni herbiy jehettin hergizmu chüshendürelmeydu. bu imkaniyetning bériche téximu köp ukrainaliqni öltürüsh üchün yawuzlarche qesten qiliniwatqan heriket. bular ukraina xelqige qilinghan irqiy qirghinchiliq dep békitilidu we tajawuzchilarni sotqa tartidighan delil-ispatlar hésablinidu» dédi.

u amérikagha 40 milyard dollarliq yardem layihesini testiqlighanliqi üchün teshekkür éytip, sözini mundaq dawamlashturdi:

«hazir ukrainada ayliq qizil reqem 5 milyard dollar. ukraina erkinlik urushi üchün téz sürette yéterlik iqtisadiy yardemge éhtiyajliq. bu shérik döletlerdin kelgen sowgha emes, belki ularning öz bixeterlikige qoshqan töhpisi bolidu. chünki ukrainaning mudapiesi oxshash waqitta rusiye ighwagerchilik qilidighan yéngi urush we kirizislardin qoghdinish bolup hésablinidu. biz rusiyening dölitimizge qarshi tajawuzchiliqining meghlub bolushi üchün birlikte küresh qilishimiz kérek.»



مۇناسىۋەتلىك خەۋەرلەر