тунис деңиз тәвәликидә бир қолвақ чөкүп кәтти

тунис деңиз тәвәликидә қанунсиз көчмәнләр олтурған қолвақ чөкүп кәтти, төт көчмән җенидин айрилди.

1829591
тунис деңиз тәвәликидә бир қолвақ чөкүп кәтти

түркийә авази радийоси хәвири: тунис тап (TAP) хәвәр агентлиқиниң деңиз армийәсини нәқил қилған хәвиридә билдүрүлишичә, тунисниң җәнубиға җайлашқан сафакес деңиз тәвәликидә бир қолвақниң суға чөкүп кәткәнлики учуриниң келиши билән издәш-қутқузуш хизмәтлири башланған.

хадимларниң тиришчанлиқи нәтиҗисидә, қолвақтики 44 көчмән қутқузувелинған, төт көчмәнниң җәсити тепилған.

 из-дерәксиз йоқап кәткән 10 кишини қутқузуш хизмәтлириниң давамлишиватқанлиқи, қолвақтики көчмәнләрниң һәммисиниң тунислиқ икәнлики билдүрүлди.

африқаниң шәрқигә җайлашқан тунис вә ливийәгә охшаш дөләтләр ақдеңиздин қанунсиз йоллар билән йавропаға бармақчи болған көчмәнләр үчүн чиқиш нуқтиси һесаблиниду. һәр йили миңларчә көчмән техиму йахши турмуш арзуси билән африқадин ақдеңиз арқилиқ йолға чиқиду. көчмәнләрниң бир қисми йавропаға йетип баралисиму, лекин йәнә бир қисми деңизда җенидин айрилиду.



مۇناسىۋەتلىك خەۋەرلەر