ukraina bilen rusiye otturisidiki heyetler ara muzakire toxtitildi

türkiye awazi radiyosi xewiri: mixayil podolyak 24-féwralda urush bashlanghandin buyan ukraina weziyitining köp özgergenlikini bayan qildi.

podolyak rusiye hökümitining buni téxiche chüshenmeywatqanliqi sewebidin ukraina bilen rusiye otturisidiki urushni axirlashturush mesilisige munasiwetlik heyetler ara muzakirining toxtitilghanliqini bildürdi.

podolyak: «muzakire musapisi ukrainadiki weziyetning qandaq boluwatqanliqigha baghliq. istanbul xitabnamisidin kéyin muhim özgirish we ilgirilesh bolmighanliqi üchün bu muzakire toxtitildi. rusiye téxiche qéliplashqan cheüshenchisini saqlap kelmekte. rosiye urush bashlanghinigha 82 kün bolghandimu ukraina weziyitining deslipidinla ular oylighandin perqliq  boluwatqanliqini chüshenmeywatidu. emma men shuni tekitleymenki, her qandaq urush haman muzakire üstilide axirlishidu» dédi.

rusiye we ukraina heyetliri urush toxtitishni ishqa ashurush üchün bélorusiyening gomél we brést sheherliride üch qétim we türkiyening istanbul shehiride bir qétim yüzturane muzakirileshken idi.

 29-mart istanbulda ötküzülgen muzakiride, urush toxtitishni ishqa ashurushqa munasiwetlik muhim ilgirilesh bolghan idi.