shiwétsiye bilen finlandiye türkiye bilen söhbetlishishke teyyar ikenliklirini bildürdi

türkiye awazi radiyosi xewiri: shiwétsiye bash ministiri magdaléna andérshon resmiy ziyaret üchün shiwétsiye paytexti stokholimgha yétip kelgen finlandiye pirézidénti sawli ninisté (Sauli Niinistö) bilen körüshkendin kéyin, birlikte axbarat élan qilish yighini ötküzdi.

shiwétsiye bash ministiri magdaléna andérshon türkiye bilen natogha eza bolush üchün muzakire ötküzüshke köngül bölidighanliqlirini eskertip: «shiwétsiyening natoda türkiye bilen özara hemkarliqini kücheytishini xalaymiz. shiwétsiye nato we yawropa ittipaqigha oxshash, her xil térrorluqqa qarshi küreshni qollaydu. nöwettiki mesililerni muzakire qilishqa we hel qlishqa, türkiye bilen diyalog öktüzüshke teyyarmiz» dédi.

u türkiyeni ziyaret qilishqa teyyar ikenlikini bildürüp, shiwétsiye bilen finlandiyening natogha eza bolushi üchün bügün (2022-yili 17-may) birlikte iltimas sunidighanliqlirini qeyt qildi.

finlandiye pirézidénti sawli ninisté türkiyening finlandiye bilen shiwétsiyening natogha eza bolushigha qarshi chiqqanliqidin heyran qalghanliqini eskertip, enqere bilen muzakire ötküzüshke teyyar ikenlikini tekitlidi.