finlandiye bilen shiwétsiye iltimaslirini stolténbérgqa tapshurdi

türkiye awazi radiyosi xewiri: nato bash katipi stolténbérg bilgiye paytexti biryussélda shiwétsiye bilen finlandiye elchixaniliridin natogha eza bolush iltimaslirini tapshuruwaldi.

stolténbérg muxbirlarni kütüwélish yighinida, her bir döletning öz yolini tallash hoquqining barliqini eskertip, ikki döletning teleplirini memnunluq bilen qarshi alidighanliqlirini qeyt qildi.

u shiwétsiye bilen finlandiyening natogha eza bolushining, teshkilatning bixeterlikini kücheytidighanliqini bildürüp: «bügün sunghan iltimasinglar tarixiy qedem hésablinidu. hazir ittipaqdashlar buninggha qarap chiqidu. barliq ittipaqdashlarning bixeterlik endishesi nezerge élinishi kérek. hemme mesililerni tepsiliy muzakire qilip, téz sürette xulase chiqirish üchün qetiy iradige igimiz» dédi.

u barliq ittipaqdashlarning natoning kéngiyishige éhtiyajliq ikenliki toghrisida pikir birlikige ige ikenlikini eskertti.