shiwétsiye natogha eza bolushni qarar qildi

türkiye awazi radiyosi xewiri: shiwétsiyening hakimiyet béshidiki sotsiyal démokrat partiyesi natogha eza bolushni qarar qilghanliqi toghrisida bayanat élan qildi.

bayanatta, partiye kéngishining yighinidin natogha eza bolush qararining chiqqanliqi bildürüldi.

bayanatta mundaq déyildi:

«15-maydiki (2022) partiye yighinidin chiqqan qarar boyiche, natogha eza bolush üchün iltimas sunushni qollaymiz.»

shiwétsiye bash ministiri magdaléna andérshon (Magdalena Andersson) natogha eza bolushning dölet xewpsizliki üchün eng yaxshi qarar ikenlikini tekitlidi.

shiwétsiye tashqi ishlar ministiri an linde (Ann Linde) twittérda uchur hembehirlep, partiyesining chiqarghan qararining «tarixiy qarar» ikenlikini ilgiri sürdi.

u: «bügün (2022-yili 15-may) shiwétsiye sotsiyal démokrat partiyesi nato mudapie ittipaqigha eza bolushni qollap, tarixiy qarar chiqardi. rusiyening 24-féwralda (2022) bashlighan ukrainani ishghal qilish urushi, bir pütüni bilen shiwétsiye we yawropaning bixeterlik weziyitini yamanlashturdi» dédi.

natogha eza bolush qarari shiwétsiye parlaméntida muzakirege qoyulghandin kéyin, shiwétsiye bilen finlandiyening birlikte eng kéyin dégende charshenbegiche (2022-yili 18-may) natogha iltimas sunidighanliqi qeyt qilindi.