shimaliy koréyede wuxen wirusi ölümliri köpeydi
shimaliy koréyede wuxen wirusi (Kovid-19) qorqunchi küchiyiwatqan bir waqitta, gumanliq ölüm weqeliride jénidin ayrilghanlar sani 50 ke chiqti.
türkiye awazi radiyosi xewiri: dunyada wuxen wirusi weqeliri yüz bérip aridin texminen ikki yil waqit ötkende, tunji wuxen wirusi weqesining peyshenbe (2022-yili 12-may) küni körülgenlikini toghrilighan shimaliy koréyede, gumanliq yuqum sani köpeydi.
shimaliy koréye merkiziy xewer agéntliqi (KCNA) 392 ming 900 kishide sewebi éniq bolmighan yuqiri giradusluq qizzish alametlirining barliqini xewer qildi.
tünügün (15-may) shu yer waqti 18.00 giche bolghan 24 saetlik waqitta, yéngidin sekkiz kishining jénidin ayrilishi bilen ölüm sani 50 ke chiqqan boldi. texminen 96 ming köpeygen gumanliq weqe sanining jemiy 1 milyon 21 minggha chiqqanliqi bildürüldi.
shimaliy koréye rehbiri kim jongun tünügün koréye ishchi partiyesining daimiy biyurosini jiddiy yighingha chaqirip, armiyening wuxen wirusigha qarshi küreshke yardem qilish permanini chüshürdi.
shimaliy koréye 12-may dölette tunji wuxen wirusi weqesining körülgenlikini toghrilidi. mutexessisler tibbiy üskünilerning yétersizliki sewebidin wuxen wirusi weqelirini bayqiyalmighan ehwalda insaniy tiragédiyeler we keng kölemlik ölüm weqelirining yüz bérish éhtimalliqini alahide tekitligen idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
