ئامېرىكادا مۇسۇلمانلارغا ئايرىمچىلىق قىلىش قىلمىشلىرى كۆپەيمەكتە

تۈركىيە ئاۋازى رادىيوسى خەۋىرى: ئامېرىكا قوشما ئىشتاتلىرىدىكى مۇسۇلمانلارنىڭ ھەق – ھوقۇقلىرىنى قوغداشنى تەشەببۇس قىلىدىغان ئەڭ چوڭ ئاممىۋى تەشكىلات بولغان ئامېرىكا-ئىسلام مۇناسىۋەتلىرى كېڭىشىنىڭ، 2021 - يىلىدىكى مۇسۇلمانلار جەمئىيىتىنىڭ ئەرز-شىكايەتلىرى توپلانغان دوكللاتىدا، 2021 – يىلى، پىكىر ئەركىنلىكى، ئۆچمەنلىك جىنايەتلىرى، فىزىكىلىق ھۇجۇم ۋە مەكتەپلەردىكى ئايرىمچىلىق قىلمىشلىرىغا ئالاقىدار  6720 ئەرز-شىكايەت قىلىنغانلىقى، بۇنىڭ 2020 – يىلىغا سېللىشتۇرغاندا % 9 كۆپىيىش دېگەن ئۇقۇمنى بىلدۈرىىغانلىقى قەيت قىلىندى.

دوكلاتتا، ئاياللارنى بېشىنى ئېچىشقا زورلاش، پاراكەندىچىلىك سېلىش ۋە بۇزغۇنچىلىق قىلىش، فىزىكىلىق ھۇجۇم  قاتارلىق ئۆچمەنلىك ۋە گۇمان بىلەن قاراش قىلمىشلىرىنىڭ %  28 كۆپىيىپ كەتكەنلىكى ئەسكەرتىلدى.

ئامېرىكا-ئىسلام مۇناسىۋەتلىرى كېڭىشىنىڭ مىللىي ئىشلار دىرېكتورى نىھاد ئاۋاد، ئامېرىكا قوشما ئىشتاتلىرىدا سىستېمىلىق رەۋىشتىكى ئىسلام دۈشمەنلىكىنىڭ جەمئىيەتكە داۋاملىق تەھدىت سېلىۋاتقانلىقىنى تەكىتلەپ مۇنداق دېدى: «فېدېراتسىيە ھۆكۈمىتى،  ئۆزىنىڭ سىياسەتلىرىدىكى قۇرۇلمىلىق ھالدىكى مۇسۇلمانلارغا ئۆچمەنلىك قىلىشتەك تار رامكىلىق كۆز قارىشى ۋە مۇسۇلمانلار جەمئىيەتلىرى دۇچ كېلىۋاتقان پۇقرالار ھوقۇقى مەسىلىسىنى ھەل قىلىشى كېرەك. ئېلىمىزدىكى ھەر بىر كىشى ئەركىن-ئازادە ئىبادەت، خىزمەت، ساياھەت قىلالىشى ۋە مەكتەپكە بارالىشى كېرەك.»

ئىگىلىنىشىچە، ئامېرىكا قوشما ئىشتاتلىرىدىكى 25 ئىشتاتتا ئىش بېجىرىش ئورنى بار بولغان ئامېرىكا-ئىسلام مۇناسىۋەتلىرى كېڭىشى، دۆلەت مىقياسىدىكى مۇسۇلمانلار جامائىيەتلىرىگە قارىتىلغان ئايرىمچىلىق ۋە ئىسلامغا ئۆچمەنلىك قىلىش ۋەقەلىرىنى كۆزىتىپ، بۇ ھەقتىكى ئەرز – شىكايەتلەرنى دەلىللەيدىغان ۋە زىيانكەشلىككە ئۇچرىغۇچىلارغا ياردەم بېرىدىغان تەشكىلات، دەپ بلىنىدىكەن.