австиралийә русийә хәвпсизлик кеңишиниң сәккиз әзасиға ембарго йүргүзди
австиралийә русийә хәвпсизлик кеңишиниң сәккиз әзасиға вә бәзи органлириға ембарго йүргүзидиғанлиқини җакарлиди.
түркийә авази радийоси хәвири: австиралийә баш министири скот моррисон украинаниң шәрқидики русийәпәрәст бөлгүнчиләрниң аталмиш һөкүмәтлирини етирап қилған русийәгә қарши йүргүзүлидиған ембарголар музакирә қилинған дөләт хәвпсизлик кеңиши йиғинидин кейин, чиқирилған қарарлар тоғрисида байанат елан қилди.
у австиралийәниң русийә дөләт хәвпсизлик кеңишиниң сәккиз әзасиға сайаһәт чәклимиси қойулидиғанлиқини вә малийә ембарголириниң иҗра қилинидиғанлиқини билдүрди.
у: «русийә украинани ишғал қилш һәрикитини башлиди. русийә дөләт банкаси вә униңға четишлиқ башқа банкаларғиму ембарго йүргүзүлиду» деди.
у, техиму кәң даирилик ембарголарниң украинаниң бөлгүнчи районлири болған донетск вә луханскта телеком, нефит, газ вә һәрбий қатарлиқ нурғун саһәләрдә мәбләғкә еришиватқан органларғиму ембарго йүргүзүлидиғанлиқиниму билдүрди.
