вийеннада иран йадро келишимлири сөһбити қайтидин башланди
австирийә пайтәхти вийеннада тәхминән 10 айдин буйан иран йадро келишимлирини толуқ вә кәмкүтсиз иҗра қилиш үчүн өткүзүлүватқан музакирәләрниң сәккизинчиси башланди.
түркийә авази радийоси хәвири: йавропа ташқи мунасивәтләр хизмити муавин секретари вә сийасий директори енрик мора (Enrique Mora) ниң башчилиқида давамлишиватқан музакирәләргә, русийә, хитай, германийә, әнглийә, фирансийә вә иранниң йуқири дәриҗилик вәкиллири қатнашти.
музакирәләргә, 2018-йили келишимдин өз алдиға чекингән америка қатнашмиди. енрик мора америка билән иранниң бивастә сөһбәтлири сәвәбидин тәрәпләр оттурисида өзара алақини капаләткә игә қилиду.
«кәң даирилик ортақ һәрикәт пилани» дәп аталған иран йадро келишимини қайтидин ишқа кириштүрүш, иранниң йадро паалийәтлирини 2015-йили имзаланған келишимдә бәлгиләнгән чәккә чүшүрүши, американиң келишимгә қайтип келиши вә иранға қарши йүргүзгән ембарголарни әмәлдин қалдуруши үчүн, мунасивәтлик учришишлар һәр хил мунбәрләрдә давамлашмақта.
музакирәләр рамкисида тәшкил қилинған мутәхәссисләр гурупписиниң хизмәтлирини қайтидин башлиши билән, ахирқи музакирә дәп қобул қилинған сәккизинчи қетимлиқ музакирә, тохтап қалған йеридин давамлашти.
енрик мора 27-декабир (2021) башланған музакирәләрниң сәккизинчиси 28-йанвар (2022) қисқа вақит тохтап қелиштин илгири, музакирәләрдин тез хуласә чиқирилиши үчүн сийасий қарарларға еһтийаҗлиқ икәнликлирини елан қилған иди.
