зеленский билән әнглийә баш вәзири җонсон көрүшти

түркийә авази радийоси хәвири: украина пирезиденти владимир зеленский әнглийә баш вәзири борис җонсон билән кийевдә көрүшти вә бирликтә ахбарат елан қилиш йиғини өткүзди.

у украинаниң шәрқий мәсилиси үстидә тохтилип, бу келишимләрдә «мәсулийәтчан позитсийәни намайан қилғанлиқлирини» әскәртти.

у русийә билән мәзкур келишимләрни иҗра қилиш мәсилисидә охшимиған қарашларға игә икәнликлиридин бешарәт бәрди.

у мундақ деди:

«бу келишимләрниң бәзи маддилирини анчә йақтуруп кәтмәймән. минск келишимлиридики маддиларни иҗра қилиш нөвитигә мунасивәтлик охшимиған позитсийәни намайан қиливатимиз. бирақ, земинимизни ишғалдин қутқузушни капаләткә игә қилидиған вә дөлитимизни һәр қандақ шәкилдә қоғдайдиған қәдәмләрни ташлишимиз керәк.»

у донбаста җиддийчиликниң ешиш еһтимали үстидә тохтилип: «украина күчлүк армийәгә игә болуши керәк. бу әһвалда пәқәт өзимизгила ишинишимиз вә начар шәйийләр үчүн тәййар турушимиз керәк. барлиқ иттипақларға қаримастин буни қилишимиз керәк. русийә украина чеграсида тәхминән 100 миң әскәр йиғди. русийәниң әскәрлирини чеграмиздин чекиндүрүшини күтүватимиз. бу наһайити муһим. русийәниң җиддийчиликни техиму кәскинләштүрүп-кәскинләштүрмәйдиғанлиқи һәққидики соалға берилидиған бирдинбир тоғра җаваб. җиддийчилик техиму улғайған әһвалда русийәгә қарши ембарголар иҗра қилиниши керәк» деди.

әнглийә баш вәзири борис җонсон русийәниң украинани техиму көп ишғал қилишиниң, «сийасий вә инсаний апәт» болидиғанлиқини әскәртип, русийәниң чекиниши вә бир дипломатийә йолини таллишиниң һайатий әһмийәткә икәнликини қәйт қилди.

у: «башқа дөләтләр билән бирликтә, русийә украинаға таҗавуз қилған әһвалда йолға қойулидиған ембарго пиланлирини вә мунасивәтлик тәдбирләрни тәййарлаватимиз» деди.

у мәзкур қәдәмләрниң, әнглийәниң һәр даим русийәниң урушқақлиқиға қарши украинаниң игилик һоқуқини қоғдайдиғанлиқиниң көрсәткүчи икәнликини алаһидә тәкитләп: «русийәниң чекиниши вә бир дипломатийә йолини таллиши һайатий әһмийәткә игә. буниң һазирму мумкин икәнликигә ишинимән» деди.

у әнглийәдә украина чеграсида йүз бериватқан вәқәләр мәсилисидә, чоң әндишәләрниң барлиқини билдүрүп: «путинниң тоқунуш йолидин чекинишини вә дийалогда болушимизни үмид қилимән. әнглийә оттуриға қоймақчи болған нәрсә бу. шуңа, бу йәрдә туруватимән» деди.