исраилийә сақчилири а 15 пәләстинликни қолға алди
исраилийә сақчилири ишғал қилинған шәрқий қуддусниң шам дәрвазиси әтрапида 15 пәләстинликни қолға алди.
түркийә авази радийоси хәвири: кәчтә шам дәрвазисида қар топи ойнаватқан пәләстинлик йашлар билән исраилийә сақчилири оттурисида тоқунуш йүз бәрди.
исраилийә сақчилири пәләстинлик йашларни тарқақлаштуруш үчүн аваз бомбиси етип мудахилә қилди. вәқәдә һечкиши йариландими, аз дегәндә бир пәләстинлик йаш қолға елинди.
шәрқий қуддусниң зәйтин теғи районидики әт-тур мәһәллисидиму исраилийә сақчилири билән пәләстинлик йашлар оттурисида сүркүлүш йүз бәрди.
исраилийә сақчилириниң йазма байанатида, пәләстинлик йашларниң әт-тур мәһәллисидә чарлаш елип бериватқан сақчи аптомобилиға таш вә һәр хил нәрсиләрни атқанлиқи илгири сүрүлди.
байанатта: «йүз бәргән вәқәләрдә бихәтәрлик хадимлири арисида йариланғанлар болмиди, әмма сақчи аптомобили зийанға учриди. һазирға қәдәр буйруққа хилаплиқ қилғанлиқи сәвәбидин 14 җинайәт гумандари назарәткә елинди. сақчиларниң райондики паалийәтлири давамлашмақта» дейилди.
