shimaliy koréye bügünmu bashqurulidighan bomba sinaq qildi
jenubiy koréye bügün shimaliy koréyening ballistik bolush éhtimalliqi yuqiri bolghan ikki dane bashqurulidighan bomba sinaq qilghanliqini bildürdi.
türkiye awazi radiyosi xewiri: jenubiy koréye armiye bash ishtabi teripidin élan qilinghan bayanatta, bashqurulidighan bombilarning shimaliy koréyening sherqidiki hamxung rayonidin shu yerning waqti etigen saet 08:00 de yapon déngizigha qaritip qoyup bérilgenliki uqturuldi.
bayanatta, 20 kilomitir égizlikte 190 kilomitir yol yürgen qisqa musapilik bashqurulidighan bombilarning ballistik bolush éhtimalliqining yuqiri ikenliki tekitlendi.
yaponiye hökümiti bashqurulidighan bombilarning yaponiye déngizigha, döletlik alahide iqtisadiy rayonining sirtigha chüshkenlikini élan qildi.
yaponiye bash ministiri kishida fumio bu sinaqqa qarita «tolimu qamlashmighan ish» dep baha berdi we shimaliy koréyening herbiy heriketlirini yéqindin közitishni dawamlashturidighanliqini éytti.
dölet bixeterlikige tehdit hés qilinmighanliqini tilgha alghan kishida fumio sinaqqa munasiwetlik naraziliq agahlandurushlirining pyongyang hökümitige yetküzülgenlikini éytti.
kyodo agéntliqining xewirige asaslanghanda, shimaliy koréye 2022-yilining béshidin buyan 6-qétim bashqurulidighan bomba qoyup bergen.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
