putin türkiyede ziyarette bolidu
rusiye pirézidénti wiladimir putin jumhur reis rejep tayyip erdoghanning teklipige binaen dölet ishliri ziyaritide bolush üchün türkiyege kélidu.
türkiye awazi radiyosi xewiri: kirémil sariyi bayanatchisi dmitri péskow, paytext moskwada élan qilghan bayanatida, rusiye pirézidénti wiladimir putinning, jumhur reis rejep tayyip erdoghanning teklipini xushalliq bilen qobul qilghanliqini, erdoghanning teklipining, ikki rehber otturisidiki uchrishishlarda küntertipke kelgenlikini tekitlep mundaq dédi: «hem hökümetler ara komitétta hem ikki rehberning riyasetchilikidiki uchrishishlarda biraz biz izda toxtap qélish bar idi. shunga, jumhur reis rejep tayyip erdoghan, yuqiri derijilik rehberler uchrishishliri we paaliyetlerge türkiyede sahibxaniliq qilidighanliqini bildürgenidi. putin, erdoghanning bu teklipini xushalliq bilen qobul qildi, ‹kowid – 19› yuqumidin kéyin sharait piship yétilgen we uyghun zémin hazirlanghan haman, ikki rehber bu teklipning emeliylishishi mesiliside pütüshti.»
amérika qoshma ishtatlirining rusiyege tünügün kéche qayturghan yazman jawabi toghriliqmu toxtalghan péskow, putinning bu jawabni biwasite oqughanliqini, amérika qoshma ishtatliri bilen shimaliy atlantik ehdi teshkilatining, rusiyening asasliq endishilirini ret qilghanliqini eskertip mundaq dédi: «shu wejidin, ümidwar bolush üchün anche köp seweb yoq. derweqe, amérika qoshma ishtatliri bilen shimaliy atlantik ehdi teshkilatining yazma jawablirini tekshürüshke waqit kétidu. bu heqte aldirap yekün chiqarmasliqimiz kérek.»
u yene, moskwaning, amérika qoshma ishtatliri bilen shimaliy atlantik ehdi teshkilatining jawablirigha qarita keng xelq ammisigha ochuq - ashkara inkas qayturush toghruluq qarar chiqarmighanliqinimu sözlirige ilawe qildi.
rusiye tashqi ishlar ministiri sérgéy lawrow bolsa, amérika qoshma ishtatlirining bixeterlik mesililiri toghruluq moskwagha bergen jawabining ijabiy emeslikini otturigha qoyup mundaq dédi: «amérika qoshma ishtatlirining jawabi, ehmiyiti ikkinchi orunda turidighan mesililerdila estayidil söhbet ötküzüshni mezmun qilidu. derweqe, amérika qoshma ishtatlirining bergen jawabidin kéyin tashlinidighan qedemler heqqide putin qarar chiqiridu.»
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
