gérmaniye p k k bilen chétishliqi bar shirketlerning paaliyetlirini cheklidi

gérmaniye fédératsiye memuriy sot mehkimisi ichki ishlar ministirliqining bölgünchi térrorluq teshkilati p k k bilen chétishliqi bar «mésopotamiyye neshriyati» bilen «MIR Multimedia» ning paaliyetlirini cheklishini testiqlidi.

1769070
gérmaniye p k k bilen chétishliqi bar shirketlerning paaliyetlirini cheklidi

türkiye awazi radiyosi xewiri: léypzigdiki naraziliq erzi délosining axirqi ispat anglash sotida, gérmaniye fédératsiye memuriy sot mehkimisi, «mésopotamiyye neshriyati» bilen «MIR Multimedia» ning bölgünchi térrorluq teshkilati p k k bilen shexsiy, iqtisadiy we teshkiliy munasiwitining barliqi toghruluq qarar chiqardi.

sotning qararida, «mésopotamiyye neshriyati» ning tijaret paaliyetlirining bölgünchi térrorluq teshkilati p k k üchün teshwiqat matériyallirini tarqitishni meqset qilidighanliqi, hemde p k k ning yawropadiki tarmaqlirini iqtisadiy yardemge érishtürüshke mesul ikenliki tekitlendi.

«MIR Multimedia» ningmu bölgünchi térrorluq teshkilati p k k ning paaliyetlirige iqtisadiy jehettin yardem béridighanliqi eskertilgen qararda, shirketning yuqiri derijilik mesullirining p k k ezasi ikenliki qeyt qilindi.

gérmaniyening sabiq ichki ishlar ministiri horst séhofér, 2019 – yili féwralda, bölgünchi térrorluq teshkilati p k k bilen munasiwitining barliqi seweblik, «mésopotamiyye neshriyati» bilen «MIR Multimedia» ning paaliyetlirini chekligenidi.

igilinishiche, bölgünchi térrorluq teshkilati p k k, 1933 – yildin buyan gérmaniyede paaliyetliri cheklengen «térrorluq teshkilatliri tizimliki» de iken.



مۇناسىۋەتلىك خەۋەرلەر