yaponiye bilen amérika birleshme herbiy manéwir ötküzdi

türkiye awazi radiyosi xewiri: tokyo, yaponiye déngiz armiyesining okinawa arilining jenubida amérika déngiz armiyesi bilen birleshme herbiy manéwir ötküzgenlikini jakarlidi.

birleshme herbiy manéwirgha, yaponiye déngiz armiyesige ait «hyuga» namliq qoghlighuchi paraxoti bilen amérika qoshma ishtatlirigha ait «USS Carl Vinson» we « Abraham Lincoln» namliq awiyamatkini öz ichige alghan 10 déngiz armiyesi unsuri qatnashti.

yaponiye döletlik radiyo – téléwiziye orgini (NHK) ning xewer qilishiche, xitayning rayondiki herbiy küchi we paaliyetliri barghanséri zoriyiwatqan bolup, bu birleshme herbiy manéwirning nishani, yaponiye-amérika ittipaqdashliqining küchini namayan qilish iken.

yaponiye dölet mudapie ministirliqi, 2021-yili dékabirda, mezker déngiz tewelikliride xitaygha ait bir awiyamatkida urush ayropilanlirining qozghilish – qonush meshiqi qiliwatqanliqini uqturghanidi.