xitay teywen, uyghur aptonom rayoni we xongkong mesililiride amérikani agahlandurdi

xitay amérika qoshma ishtatlirini teywen, uyghur aptonom rayoni we xongkong mesililiride ichki ishlirigha arilashmasliqi toghruluq agahlandurdi.

1767955
xitay teywen, uyghur aptonom rayoni we xongkong mesililiride amérikani agahlandurdi

türkiye awazi radiyosi xewiri: xitay hökümiti, ötken jüme küni yaponiye bash weziri fumio kishida bilen amérika qoshma ishtatliri pirézidénti jo baydinning sinliq uchrishishida  teywen, uyghur aptonom rayoni we xongkong mesililirining muzakire qilinishigha naraziliq bildürdi.

xitay tashqi ishlar ministirliqi bayanatchisi jaw lijyen, yaponiye bash weziri fumio kishida bilen amérika qoshma ishtatliri pirézidénti jo baydinning sinliq uchrishishida, teywen, uyghur aptonom rayoni we xongkong mesililirining muzakire qilinishigha naraziliq bildürüp, mundaq dédi: «tokyo bilen washington béyjingni naheq eyiblesh arqiliq dölitimizning ichki ishlirigha arilashmaqta. teywen, uyghur aptonom rayoni we xongkonggha munasiwetlik ishlarning hemmisi xitayning ichki ishliri bolup, her qandaq bir dölet yaki chet el küchlirining ichki ishlirimizgha arilishishini qobul qilghili bolmaydu. héchqandaq bir shexs yaki dölet, xitayning igilik hoquqi we zémin pütünlükini qoghdash qararigha sel qarimasliqi kérek.»

ötken jüme küni, yaponiye bash weziri fumio kishida bilen amérika qoshma ishtatliri pirézidénti jo baydin widéo konférans wasitisi arqiliq körüshken, uchrishishta, béyjingning sherqiy we jenubiy xitay déngizining salahiyitini bir tereplime halda özgertishke urunush teshebbusliridin sirt yene, xongkongning weziyiti, uyghur aptonom rayonidiki kishilik hoquq depsendichilikliri we teywen boghuzining tinchliqi we muqimliqini qoghdash qatarliq mesililer muzakire qilinghanidi.

ikki rehber, yaponiye bilen amérika qoshma ishtatliri otturisidiki ittipaqdashliqni téximu kücheytish mesiliside birdeklik hasil qilghanidi.


خەتكۈچ: #xongkong , #uyghur , #amérika , #xitay

مۇناسىۋەتلىك خەۋەرلەر