b d t süriyede chédirliri örülüp chüshken panahlanghuchilargha jiddiy yardem qilish chaqiriqida boldi

birleshken döletler teshkilati süriyening gherbiy shimalida 1000 gha yéqin chédirning qattiq qar yéghishi sewebidin örülüp chüshkenlikini we öy- makanidin ayrilghan süriyeliklerning qattiq soghuqta intayin qiyin ehwalgha duch kelgenlikini élan qildi.

1767800
b d t süriyede chédirliri örülüp chüshken panahlanghuchilargha jiddiy yardem qilish chaqiriqida boldi

türkiye awazi radiyosi xewiri: b d t ning süriye rayonluq insanperwerlik muawin maslashturghuchisi mark kuts sinliq tor arqiliq chaqirghan muxbirlarni kütüwélish yighinida, süriyening gherbiy shimalidiki hawa témpératurisining töwenlishi sewebidin chédirda turuwatqan süriyeliklerning turmush sharaitining intayin qiyinlashqanliqi terepke hemmining diqqitini tartti.

qattiq qar yéghishi sewebidin texminen 1000 chédirning örülüp chüshkenlikini bayan qilghan kuts, shiddetlik soghuqning 250 ming süriyelikke éghir tesir körsitiwatqanliqini bildürdi.

kuts insanperwerlik yardem xadimlirining örülüp chüshken chédirlarning astidin süriyeliklerni tartip chiqarghanliqini tilgha élip,  nurghun süriyeliklerning chédiridiki qarlarni qolliri bilen tazilashqa tirishiwatqanliqini éytti.

kuts qishliq ayighi yoq balilarning sapma keshler bilen qar we muz üstide méngiwatqanliqini eskertip, bultur süriyege kéreklikbolghan 4 milyard dollarliq yardem fondining aran 45% nila topliyalaydighanliqini we xelqara jemiyetning yardemni köpeytishi kéreklikini tekitlidi.


خەتكۈچ: #chédir , #süriye , #b d t

مۇناسىۋەتلىك خەۋەرلەر