taliban heyiti norwégiyede uchrishishlarda bolmaqta

türkiye awazi radiyosi xewiri: taliban waqitliq hökümiti bayanatchisi zabihullah mujahid twittér hésabida, taliban wekiller ömikining norwégiye dairiliri bilen ötküzgen yighinlirini hembehirlidi.

bayanatta, qatnashquchilarning yighin jeryanida, bir-birining köz qarashliri sewrchanliq bilen anglighanliqi we döletning hazirqi ehwali toghrisida pikir almashturghanliqi bildürüldi.

qatnashquchilarning yighinda afghanistanning barliq afghanistan xelqining öyi ikenlikini jezmleshtürgenliki we afghanistan xelqining dölette téximu yaxshi siyasiy, iqtisadiy we bixeterlik sharaitigha ige bolushi üchün ortaq tirishishning lazimliqini tekitligenliki uqturuldi.

afghanistanning barliq mesililirini hel qilishning birdinbir charisi özara chüshinish we hemkarliq ikenlikining pütkül qatnashquchilar teripidin qobul qilinghanliqi bildürüldi.  

norwégiye tashqi ishlar ministirliqining bayanatida, taliban wekillirining 23 - yanwardin 25 – yanwarghiche osloda ziyarette bolushqa teklip qilinghanliqi bildürüldi.

taliban wekiller ömikining norwégiye hökümiti wekilliridin bashqa yene, bir qisim ittipaqdash döletler wekilliri we ammiwi teshkilatlarning wekilliri bilenmu körüshidighanliqi uqturuldi.

norwégiye tashqi ishlar ministiri annikén xuytféld 21-yanwar élan qilghan bayanatida, afghanistandiki insanperwerlik krizisigha bolghan endishisini tilgha élip, afghanistanda yüz bergen yéqinqi weqelerge qarita «milyonlighan kishilerge tesir körsetken keng kölemlik insanperwerlik apiti» dep baha bergen idi.

xuytféldt mezkur uchrishishlarning talibanni qanunlashturush yaki étirap qilish emeslikini, emma döletni heqiqiy bashquruwatqanlar bilen sözlishish kéreklikini eskertken idi.