gérmaniyede islam medeniyet merkizige qoralliq hujum qilish weqesi yüz berdi
gérmaniyening hallé shehiride birjaminimu öz ichige alghan islam medeniyet merkizi jemiyitige üch pay oq étildi.
türkiye awazi radiyosi xewiri: hallé saqchi idarisi élan qilghan bayanatida, islam medeniyet merkizige yéqin jayda ikki kishining oq awazi anglighanliqini we 3 pay oqning binaning aldi teripige tegkenlikini bildürdi.
qarshi tereptiki turalghudin oq chiqirilghanliqi toghrisidiki uchurgha asasen saqchilar bir öydin 2 qoralni musadire qildi. qoral igisining siyasiy jinayet arxipi yoqliqi we weqege dair tekshürüshlerning dawam qiliwatqanliqi élan qilindi.
gérmaniye musulmanlar kéngishining ijtimaiy taratqu hésabida hembehirlengen yazmida, hallédiki jami jamaitining yene bir qétim hujum nishani qilinghanliqi eskertildi.
yazmida, «allahqa shükri, bu qétim héchkim yarilanmidi, musulmanlargha öchmenlik we irqiy ayrimchiliq sözde qalmaydu» déyildi we jinayet gumandarini tutqan hallé saqchilirigha minnetdarliq bildürüldi.
