polsha rusiye hujum qilghan ehwalda ukrainagha yardem qilidighanliqini élan qildi

türkiye awazi radiyosi xewiri: andréjéz duda ukraina bilen rusiye otturisidiki jiddiychilik sewebidin polshaning jenubidiki tetil rayoni wislada ukraina pirézidénti wiladimir zélénskiy bilen uchrishish élip bardi.

andréjéz duda uchrishishqa alaqidar jüme küni élan qilghan bayanatida, ukraina eger rusiyening hujumigha uchrisa, polshaning yardimige ishense bolidighanliqini we kiyéwning yawropa bilen birlishishini toluq qollaydighanliqini bildürdi.

andréjéz dudaning tashqi siyaset meslihetchisi jakup kumochmu bayanat élan qilip, «yawro-atlantik okyan hemkarliq kéngishining kölimi we chong – kichikliki qandaq bolushidin qetiynezer, herqandaq shekildiki tajawuzchiliqqa qarshi turush mejburiyiti bardur» dédi.

polsha taratqulirida polsha bilen ukraina otturisida alahide bir liniyening qurulushi we kelgüsi bir nechche hepte ichide ikki dölet muawin reisliri otturisida téximu köp uchrishishlarning bolushi pilanlanghanliqi heqqidiki xewerler keng orun aldi.

ukraina pirézidénti zélénskiymu tiwittér hésabida, polsha xelqige we pirézidénti andréjéz dudagha ukrainaning zémin pütünlükini, igilik hoquqi we yawro-atlantik okyan bilen bir gewdileshtürülishini izchil qollap kelgenlikidin minnetdarliqini bildürdi.