полша русийә һуҗум қилған әһвалда украинаға йардәм қилидиғанлиқини елан қилди

түркийә авази радийоси хәвири: андреҗез дуда украина билән русийә оттурисидики җиддийчилик сәвәбидин полшаниң җәнубидики тәтил райони вислада украина пирезиденти виладимир зеленский билән учришиш елип барди.

андреҗез дуда учришишқа алақидар җүмә күни елан қилған байанатида, украина әгәр русийәниң һуҗумиға учриса, полшаниң йардимигә ишәнсә болидиғанлиқини вә кийевниң йавропа билән бирлишишини толуқ қоллайдиғанлиқини билдүрди.

андреҗез дуданиң ташқи сийасәт мәслиһәтчиси җакуп кумочму байанат елан қилип, «йавро-атлантик окйан һәмкарлиқ кеңишиниң көлими вә чоң – кичиклики қандақ болушидин қәтийнәзәр, һәрқандақ шәкилдики таҗавузчилиққа қарши туруш мәҗбурийити бардур» деди.

полша таратқулирида полша билән украина оттурисида алаһидә бир линийәниң қурулуши вә кәлгүси бир нәччә һәптә ичидә икки дөләт муавин рәислири оттурисида техиму көп учришишларниң болуши пиланланғанлиқи һәққидики хәвәрләр кәң орун алди.

украина пирезиденти зеленскийму тивиттер һесабида, полша хәлқигә вә пирезиденти андреҗез дудаға украинаниң земин пүтүнлүкини, игилик һоқуқи вә йавро-атлантик окйан билән бир гәвдиләштүрүлишини изчил қоллап кәлгәнликидин миннәтдарлиқини билдүрди.