amérika: seudi erebistangha qoral – yaragh sétishni toxtatmaymiz
amérika qoshma ishtatliri seudi erebistangha qoral – yaragh sétip bérishni toxtatmaydighanliqlirini bildürdi.
türkiye awazi radiyosi xewiri: aqsaray, amérika qoshma ishtatlirining seudi erebistanning kishilik hoquq depsendichilikliri toghrisida endishilirining barliqini, emma bu döletke qoral – yaragh sétip bérish mesilisining hazirche küntertipliride yoqluqini jakarlidi.
aqsaray bayanatchisi yén psaki, amérika qoshma ishtatlirining seudi erebistangha qoral – yaragh sétishni toxtitish mesiliside her qandaq bir teshebbusta bolup bolmaydighanliqigha alaqidar soalgha mundaq jawab berdi: «bu mesile hazirche küntertipte emes, seudi erebistan bilen uzun yilliq diplomatik munasiwetlirimiz bar, kishilik hoquq depsendichilikliri we bashqa köpligen mesililerge alaqidar endishilirimezni seudi erebistangha yetküzduq, seudi erebistan bilen amérika qoshma ishtatlirining menpeetige uyghun munasiwetlirimiz bar.»
seudi erebistan bashchiliqidiki ittipaqdash küchlirining, yemenning gherbidiki hudeyde wilayitige qilghan hawa hujumida köp sanda kishining hayatidin ayrilghanliqini eskertken psaki, mundaq dep körsetti: «mesum insanlarning ölümige yol achidighan her bir weqe tiragédiyedur, bu mesilide intayin sezgürmiz.»
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
