salwdor pirézidénti tusashni ziyaret qildi
salwador pirézidénti nayb bukélé türkiye awiyatsiye we alem qatnishi sanaiti shirkiti (tusash) ni ziyaret qildi.
türkiye awazi radiyosi xewiri: türkiye awiyatsiye we alem qatnishi sanaiti shirkitining bash diréktori temel kotil, ammiwi ortaqlishish tor béti Twitter sehipiside, bu heqte élan qilghan bayanatida, salwador pirézidénti nayb bukéléni shirkette kütüwalghanliqliri üchün intayin xursen ikenliklirini tekitlep mundaq dédi: «awiyatsiye we alem qatnishi sahesidiki iqtidarlirimiz bilen hemkarlishishqa teyyar ikenlikimizni bildürduq, bu arqiliq süniy hemrah sahesige hemkarliq kélishimimiz arqiliq puxta qedem tashlighan bolduq.»
yene bir tereptin, ammiwi taratqulardiki yumurluq uchurliri bilen kishilerning diqqitini tartip kéliwatqan salwador pirézidénti bukélému, türkiye awiyatsiye we alem qatnishi sanaiti shirkitining bash diréktori temel kotilning ammiwi ortaqlishish tor béti Twitter sehipiside élan qilghan uchurini neqil keltürüp mundaq dédi: « türkiye awiyatsiye we alem qatnishi sanaiti shirkiti bazisi teripidin tutqun qilindim, (méni qutquzush üchün) amérika pirézidéntinimu öz ichige alghan hemmeylenni derhal heriketke keltürünglar!».