блинкен: русийә әскәрлирини чекиндүрүши керәк

түркийә авази радийоси хәвири: америка ташқи ишлар министири антони блинкен билән русийә ташқи ишлар министири сергей лавровниң украина киризисини музакирә қилған йиғин, шивейтсарийә пайтәхти җәнвәдә өткүзүлди.

америка ташқи ишлар министири антони блинкен йиғиндин кейин, байанат елан қилип: «лавров билән учришишимиз музакирә әмәс, бәлки чин көңүлдин өзара пикир алмаштуруш иди. бизниң мәқситимиз русийәниң дипломатийә тәрәптиму йаки әмәсму уни чүшиниш иди. русийәниң алдида икки йол бар. йа дипломатийә йолини таллайду, йаки болмиса тоқунушни таллайду. украинаға һуҗум қилинған әһвалда русийәниң дәрһал җавабқа еришидиғанлиқини русийәгә йәткүздуқ. украинаға һуҗумлар көпәйсә бәдили интайин еғир болиду. кейинки қәдәмләр русийәниң позитсийәсигә асасән болиду. русийә һуҗум қилса, украинани қоллаймиз» деди.

у русийәниң украина чеграсидики әскәрлирини чекиндүрүши керәкликини тәкитлиди.

русийә ташқи ишлар министири лавров: «америкалиқ кәсипдашлиримиз, русийә билән украина оттурисидики чегра мәсилисини қайта алдинқи орунға чиқиришқа вә һәммә нәрсини намда җиддийчиликни пәсәйтиш керәкликини шәртләндүрүшкә тиришти. бу сиһирлик түскә кирди. әмма, учришишни келәр һәптә тәклиплиримизгә йазма җаваб берилиши тоғрисида пикир бирликигә келиш билән ахирлаштурдуқ» деди.

лавров русийәниң украинаға һуҗумм қилип-қилмайдиғанлиқи һәққидики соалға: «украинаға һуҗум қилиш нийитимиз барлиқини илгири сүрүватисләр. дәл әксичә, ундақ әмәсликини нәччә қетим ейттуқ» дәп җаваб бәрди.

у украина хәлқигә һечқачан тәһдит салмиғанлиқлирини билдүрүп: «ғәрбтики кәсипдашлиримизниң һазирқи һәвиси украинаниң донбаста күч ишлитишкә күшкүртчилик қилиш тоғрисида болмисиму, пәқәт болмиди дегәндә, кийев һөкүмитиниң минск келишимлиригә бузғунчилиқ қилишини йошуруш йүзлинишигә игә» деди.

лавров америкаға украинани минск келишимлирини иҗра қилишиға тәсир көрситишкә чақирған иди.