shiwéytsariyede erdoghangha munasiwetlik sot kéchiktürüldi

türkiye awazi radiyosi xewiri: shiwéytsariye paytexti bérnda 2017-yili radikal guruppilar teripidin uyushturulghan, térrorluq teshkilati p k k, d x k p-j we y p g ning bayraqlri toshulghan yighilishta, türkiye jumhur reisi rejep tayyip erdoghan nishan qilinghan lozunkigha munasiwetlik sot kéchiktürüldi.

bérn rayonluq sot mehkimisidiki ispat anglashning ikkinchi küni  töt jawabkarning bayanliri tamamlandi.

sot bashliqi ikki aqlighuchi guwahchining anglap bolghandin kéyin, sotning kéchiktürülgenlikini jakarlidi.

türkiyede asasiy qanungha özgertish kirgüzüsh référandum musapisi dawamlishiwatqan bir waqitta, bérnda 2017-yili 25-mart uyushturulghan yighilishta, qara rengde teyyarlanghan lozunkida jumhur reis rejep tayyip erdoghanning béshigha qoral tenglengen fotograf we «erdoghanni öltürünglar», «özining qoralliri bilen» dégen shoarlar yézilghan idi.

shiwéytsariye taratquliridiki melumatlargha asaslanghanda, bérn teptish mehkimisi mart éyida weqede mesuliyiti bar töt jawabkar «jinayet ötküzüsh we zorawanliq qilishqa küshkürtchilik qilish» jinayiti bilen eyiblengen idi.

bérndiki mezkur weqe, enqerening naraziliqini qozghighan bolup, türkiye tashqi ishlar ministirliqi, térrorluq teshkilati ezalirining jumhur reis rejep tayyip erdoghanni nishan qilghan namayish ötküzüshini eyibligen idi.