ereb birleshme xelipilikide tizgineklik ayropilan hujumi yüz bérip, 3 kishi qaza qildi
ereb birleshme xelipilikining paytexti ebuzebide élip bérilghan gumanliq (tizgineklik ayropilan) hujumida 3 kishi hayatidin ayrilip, 6 kishi yarilandi.
türkiye awazi radiyosi xewiri: erep birleshme xelipiliki resmiy agétliqi «WAM» ning xewirige asaslanghanda, ebuzebidiki musafah rayonigha tizgineklik ayropilan bilen hujum qilinghan. hujum 3 may bakining partilishigha seweb bolghan,
ebuzebi saqchi dairiliri tizgineklik ayropilan hujumida bir pakistanliq we 2 hindistanliq bolup, jemiy 3 kishining qaza qilghanliqini we 6 kishining yarilanghanliqini élan qildi.
partlashtin kéyin, ereb birleshme xelipiliki döletlik néfit shirkiti «ADNOC» bilen ebuzebi xelqara ayrodorumigha yéqin jayda ot apiti yüz bergenliki xewer qilindi.
yene bir tereptin, xusiylarning herbiy bayanatchisi yehya seri xusiylargha tewe el-mesirre téléwiziye qaniligha bergen bayanatida «ereb birleshme xelipilikining chongqurluqlirigha qilinidighan bir herbiy hujum heqqide kelgüsi bir nechche saette bayanat élan qilinidighanliqini» jakarlidi.
