нйуйорктики от апитидә қаза қилған мусулманларниң намизи чүшүрүлди

түркийә авази радийоси хәвири: бронкис районидики ислам мәдәнийәт мәркизидә от апитидә қаза қилған 17 кишиниң 15 нәпири үчүн дәпнә қилиш мурасими өткүзүлди.

көп санлиқи африқа дөлити гамбийәликләрдин тәшкил тапқан мусулман мейитләрниң туғқанлири вә әтраптики аһалиләр қатнашқан дәпнә мурасими җәрйанида нурғун кишиләр көз йашлирини туталмиди.

нйу- йорк шәһәрлик һөкүмәтниң башлиқи ерик адамс вә америка кеңәш палатасиниң көп санлиқлар рәһбири, қошумчә демократик қанатниң нйу- йорк кеңәш палата әзаси чак шумер, һәмдә гамбийә һөкүмитиниң икки әмәлдари дәпнә қилиш мурасимиға қатнашти.

җиназа намизи вә дуалардин кейин, мейитләрниң 11 и дәпнә қилиниши үчүн нйу җерсий ишитатиға әвәтилди, қалған 4 кишиниң җиназисиниң аилисидикиләрниң тәлипигә асасән гамбийәгә йоллинидиғанлиқи билдүрүлди.

от апитидә қаза қилған икки балиниң җиназиси мушу һәптиниң бешида харлемдики бир мәсчиттә чүшүрүлгәниди.

бронкис районидики бир бинада 9- йанвар електр исситқучтин келип чиққан от апитидә 8 нәпири кичик бала болуп җәмий 17 адәм қаза қилған, 63 адәм ис- түтәктин зәһәрләнгәниди.