italiyede kowid-19 tedbirlerge qarshi keng kölemlik namayish ötküzuldi

italiyede (tünügün) nurghun kishiler kowid-19 waksinisigha we élinghan tedbirlerge qarshi rim we milanoda namayish ötküzdi.

1763285
italiyede kowid-19 tedbirlerge qarshi keng kölemlik namayish ötküzuldi

türkiye awazi radiyosi xewiri: paytext rimning san giyowanni meydanida ötküzülgen namayishta, pütün memliket miqyasida sayahet we bashqa nurghun ijtimaiy paaliyetler üchün shert qilinghan kowid -19 waksinisi emlitish yaki yéqinda yuqumlanghan we yaki yéqinqi 48 saet ichide élip bérilghan selbiy sinaq guwahnamisi, «yéshil ötüsh karti» gha naraziliq bildürüldi.

nurghun namayishchilarning yighilishta maska taqimighanliqi hemmining diqqitini tartti. namayishta pat pat namayishchilar bilen bixeterlik qisimliri otturisida jiddiychilik kücheygenliki bildürüldi.

italiyening ikkinchi chong shehiri milanoda waksinagha qarshi 25-aprél maydanida namayish ötküzüldi. bu yerdimu kowid -19 waksinisi we waksinini shert qilidighan cheklesh tedbirlirige naraziliq bildürüldi.

milanodiki namayishqa waksinigha qarshi köz qarashliri bilen tonulghan firansiyelik wirusshunas proféssor luk montagniyérningmu qatnashqanliqi hemmining diqqitini tartti.

italiyede hökümet kowid -19 ning asasliq türige aylanghan omikiron wariyanti sewebidin yuqumlinish nisbitining téz köpiyishining aldini élish üchün bir yürüsh yéngi tedbirlerni 10-yanwardin bashlap yolgha qoyghan bolup, 50 yashtin yuqiri kishilerning choqum waksina emlitishini mejburiy halgha keltüridighan shundaqla  waksina emlenmigenlerning ijtimaiy paaliyetlerge kirishini chekleydighan bir qatar yéngi tedbirlerni ijra qilishni bashlighan idi.


خەتكۈچ: #namayish , #italiye

مۇناسىۋەتلىك خەۋەرلەر