италийәдә ковид-19 тәдбирләргә қарши кәң көләмлик намайиш өткүзулди
италийәдә (түнүгүн) нурғун кишиләр ковид-19 ваксинисиға вә елинған тәдбирләргә қарши рим вә миланода намайиш өткүзди.
түркийә авази радийоси хәвири: пайтәхт римниң сан гийованни мәйданида өткүзүлгән намайишта, пүтүн мәмликәт миқйасида сайаһәт вә башқа нурғун иҗтимаий паалийәтләр үчүн шәрт қилинған ковид -19 ваксиниси әмлитиш йаки йеқинда йуқумланған вә йаки йеқинқи 48 саәт ичидә елип берилған сәлбий синақ гуваһнамиси, «йешил өтүш карти» ға наразилиқ билдүрүлди.
нурғун намайишчиларниң йиғилишта маска тақимиғанлиқи һәмминиң диққитини тартти. намайишта пат пат намайишчилар билән бихәтәрлик қисимлири оттурисида җиддийчилик күчәйгәнлики билдүрүлди.
италийәниң иккинчи чоң шәһири миланода ваксинаға қарши 25-апрел майданида намайиш өткүзүлди. бу йәрдиму ковид -19 ваксиниси вә ваксинини шәрт қилидиған чәкләш тәдбирлиригә наразилиқ билдүрүлди.
миланодики намайишқа ваксиниға қарши көз қарашлири билән тонулған фирансийәлик вирусшунас профессор лук монтагнийерниңму қатнашқанлиқи һәмминиң диққитини тартти.
италийәдә һөкүмәт ковид -19 ниң асаслиқ түригә айланған омикирон варийанти сәвәбидин йуқумлиниш нисбитиниң тез көпийишиниң алдини елиш үчүн бир йүрүш йеңи тәдбирләрни 10-йанвардин башлап йолға қойған болуп, 50 йаштин йуқири кишиләрниң чоқум ваксина әмлитишини мәҗбурий һалға кәлтүридиған шундақла ваксина әмләнмигәнләрниң иҗтимаий паалийәтләргә киришини чәкләйдиған бир қатар йеңи тәдбирләрни иҗра қилишни башлиған иди.
