amérikadiki bir yehudiy ibadetxanisida 4 kishi görüge éliwilindi
amérikaning téksas ishtatida bir qoralliq hujumchining yehudi ibadetxanisigha bésip kérip, bash rahipni öz ichige alghan nurghun kishilerni görüge éliwalghanliqini we fédératsiye tekshürüsh idarisi (FBI) ning weqege mudaxile qilghanliqini bildürdi.
türkiye awazi radiyosi xewiri: téksas ishtatining kolléywil shehiri saqchi idarisi twittér hésabida, bir hujumchining yehudiy ibadetxanisidiki kishilerni görüge éliwalghanliqini élan qildi.
etigenlik ibadet jeryanida, bir qoralliq kishining ibadetxanigha bésip kirip, yehudiy diniy rehber qatarliq hemmeylenni görüge éliwalghanliqi, weqege «SWAT» etritining (alahide qoral we taktika birlikining) mudaxile qilghanliqi bildürüldi.
yerlik menbelerge asaslanghanda, görüge élinghan töt kishining birsi bir qanche saettin kéyin qoyup bérilgen.
téksas ishtati waliysi grég abbot tiwittér hésabida élan qilghan bayanatida, «dualirimiz ijabet bolidu. ibadetxanidiki tutqunlarning birsi yarilanmastin qutuldi. hazirmu 3 tutqun bar. kolléwillé sheher bashliqi bilen sözleshtim we ishtat sewiyeside qollishimizni toluq otturigha qoydum» dédi.
yene bir tereptin aqsaray, amérika pirézidénti jo baydingha bu ishtin melumat bérilgenlikini we ehwallarning yéqindin közitiliwatqanliqini élan qildi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
