b d t: éfiyopiyege insanperwerlik yardem buyumlirini yetküzüsh qiyingha toxtawatidu
birleshken döletler teshkilati éfiyopiyede dawamlishiwatqan toqunushlarning insanperwerlik yardem buyumlirini tigraygha yetküzülüshini qiyinlashturuwetkenlikini bildürdi.
türkiye awazi radiyosi xewiri: birleshken döletler teshkilati bash katipining bayanatchiliridin ferhan heq, muxbirlarni kütüwélish yighinida, abla shehiri etrapida dawamlishiwatqan toqunushlar tüpeylidin tigraygha insanperwerlik yardem bérish paaliyetlirining toxtap qalghanliqini, 14-dékabirdin bashlap insanperwerlik yardem buyumlirining, yéqinqi 5 ay ichide yéqilghu yetküzüp bérilelmeywatqanliqini qeyt qildi.
insanperwerlik yardem teshkilalirining yéqilghu yétishmeslik sewebidin hetta yémek – ichmek yardemlirinimu yetküzüp bérelmeywatqanliqini éytqan heq, tigraygha qaritilghan hawa hujumlirining köpiyip ketkenlikini eskertti.
döletning shimalida bir yildin köprek waqittin buyan dawamlishiwatqan toqunushlar sewebidin, texminen 2 milyon 500 ming adem öy-makanliridin ayrilip qaldi, 5 milyondin artuq kishi jiddiy yardemge mohtaj ehwalgha chüshüp qaldi.
