afriqa qiteside 1 milyard kishi waksina emlitelmigen
dunya sehiye teshkilati diréktori tédros adxanom ghébréyésus (Tedros Adhanom Ghebreyesus) afriqa qiteside texminen 1 milyard kishige wuxen wirusi (Kovid-19) emlenmigenlikini élan qildi.
türkiye awazi radiyosi xewiri: dunya sehiye teshkilati tédros adxanom ghébréyésus 10-qétimliq xelqara sehiye nizamnamesi wuxen wrusi komitéti yighinining échilishida, dunyadiki wuxen wirusi waksinasi barawersizliki we adaletsizliki üstide alahide toxtaldi.
u waksina milliyetchiliki, wabani siyasiylashturush we qisqa muddetlik shexsiy menpeetler qatarliq tosqunluqlarning, wirusning özgirishi we tarqilishigha paydiliq bolup bergenlikini qeyt qildi.
u: «xulase qilghanda, nurghun döletler waksina éhtiyajlirini qamdiyalmaywatmaqta yaki nishanigha yételmeywatmaqta» dédi.
u hazirning özide dunyda 9.4 milyard shishidin köp wuxen wirusi waksinasi emlengenlikini eskertip: «biraq, 90 dölet ötken yili (2021) ning axirighiche nopusning %40 ni emlesh nishanigha yételmidi. bu döletlerning %36 si nopusining %10 ni emliyelmidi» dédi.
u yene, afriqa qiteside nopusining %85 ge teng kélidighan texminen 1 milyard kishining emlenmigenlikini bildürüp: «aridiki bu perqni kichikletmisek, wabani yoqitalmaymiz» dep agahlandurdi.
u her qaysi döletlerning aldin ehmiyet béridighan muhim ishining «üchinchi shishe waksina» emleshning ornigha, dunyada waksina emlitelmigen xeterlik guruppidiki kishilerning birinchi shishe waksinalirini emlitish bolushi kéreklikini tekitlidi.
u waksinalarning wuxen wirusi sewebidin késel bolush we ölüm weqelirining aldini élishta ünümi yuqiri bolsimu, yuqumlishishning aldini alalmighanliqini bildürdi.