b d t: amérika – rusiye otturisidiki sürkilish palaket élip kélidu
birleshken döletler teshkilati bash katipi antonyo gutérésh amérika qoshma ishtatliri bilen rusiye otturisidiki sükirilish keltürüp chiqiridighan herqandaq shekildiki bir toqunushning «yawropa we dunya üchün palaket élip kélidighanliqi» toghruluq agahlandurdi.
türkiye awazi radiyosi xewiri: gutérésh, birleshken döletler teshkilati bash merkizide ötküzgen muxbirlarni kütüwélish yighinida, ukraina kirizisi tüpeyli rusiye bilen amérika qoshma ishtatliri we shimaliy atlantik ehdi teshkilati otturisidiki muzakiriler heqqide toxtalghanda, mewjut sürkilish üchün barliq tereplerning qattiq endishe qiliwatqanliqini tekitlep mundaq dédi: «yawropa we dunya üchün palaket élip kélidighan herqandaq shekildiki bir toqunushning aldini élish we sükirilishni peseytish üchün ornitilghan diyalog nahayiti zor ehmiyetke ige.»
rusiyening yéqinqi aylarda ukraina chégrasigha qoshun orunlashturush paaliyetlirining köpiyip kétishi, rusiyening ukrainani ishghal qilidighanliqigha qarita endishilerni kücheytiwetti, hemde gherb bilen moskwa otturisidiki sürkilishni ewj alduruwetti.
bir tereptin, sürkilishni peseytish chaqiriqliri we bu heqtiki uchrishishlar, yene bir tereptin, rusiye, amérika qoshma ishtatliri we shimaliy atlantik ehdi teshkilati otturisida muzakiriler dawamlashmaqta.
