iran tashqi ishlar ministiri qazaqistanliq mensepdishi bilen körüshti
iran tashqi ishlar ministiri hüseyin emir abdullahyan qazaqistanning muawin bash ministiri we tashqi ishlar ministiri muxtar tiluberdi bilen téléfonda körüshti.
türkiye awazi radiyosi xewiri: iran tashqi ishlar ministirliqining bayanatigha asaslanghanda, abdullahyan bilen tiluberdi ikki dölet munasiwiti we rayon tereqqiyati toghrisida pikir almashturghan.
abdullahyan qazaqistandiki malimanchiliq bashlanghandin béri weziyetni estayidilliq bilen közitip kelgenlikini bildürüp, qazaqistanning milliy igilik hoquqini qollaydighanliqini we chetelning arilishishini eyibleydighanliqini éytqan.
tiluberdimu qazaqistan pirézidénti qasim jomert toqayéwning iran ziyaritining kün tertipide ikenlikini tilgha élip, iran bilen bolghan soda munasiwetlirining tereqqiy qilishining özlirige nisbeten mohimliqini bildürgen.
tiluberdi yene iran pirézidénti ibrahim reiysini öktebirde ötküzülidighan qazaqistan xelqara yighinigha teklip qilghan.
