rusiye: amérika we nato bilen ötküzülüwatqan söhbetlerning négizlik témilirida ixtilaplar bar
rusiye amérika we shimaliy atlantik okyan ehdi teshkilati – nato bilen ötküzülüwatqan söhbetlerning négizlik témilirida ixtilaplarning barliqini bildürdi.
türkiye awazi radiyosi xewiri: rusiye pirézidéntliq mehkimisi — kirémil sariyi bayanatchisi dimitriy péskof, muxbirlargha rusiye bilen natoning bixeterlik kapaliti toghrisidiki söhbitige dair mesililer boyiche bayanat berdi.
natoning rusiyege öz qoshunini öz zéminida qandaq we qeyerge yötkishi toghrisida yolyoruq chüshürüshining mumkin emeslikini tekitligen péskow: «rusiye armiyesini bashqa döletlerning zéminida heriket qildurmaywatidu» dédi.
péskow natoning kéngiyish tehditini dawamlashturuwatqanliqigha isharet qilip: «biz amérika emeldarlirining finlandiye we shiwitsiyeni öz ichige alghan yéngi ezalarni natogha teklip qilghan bayanatlirini anglawatimiz. natogha eza bezi baltiq döletliridin öz térritoriyesidiki esker sanini köpeytishini telep qilghan bayanlirini anglawatimiz. bularning hemmisi dawam qiliwatqan mushundaq peytte jiddiychilikni peseytish üchün néme qilishimiz kérek?» dédi.
rusiyening, amérika we nato bilen shiwéytsariyening jenwe shehiri we bélgiyening paytexti biryussélda bixeterlik kapaliti mesilisini chöridep élip barghan söhbetlirining négizlik mesililiride ixtilaplarning barliqini körsetken péskow: «söhbet mueyyen asasliq mesililerge konkrét jawab tépish üchün bashlanghan. bu négizlik mesililerde pikir ixtilapliri yüz berdi. bu yaman boldi. bu ishqa ashurulghan ikki aylanmigha nisbeten bir minustin bashqa nerse emes» dégenlerni qeyt qildi.
péskow, rusiyening amérika bilen söhbetlishishni dawamlashturush siyasiy iradisining ajiz emeslikini, del eksiche, söhbetdashlarning söhbetni dawamlashturush istikining ajizliqini hés qilghanliqlirini bildürdi.
shimaliy éqin - 2 tebiiy gaz turuba yoli türining soda xaraktérlik bir qurulush ikenlikini bayan qilghan péskow, uni yawropaning bixeterliki bilen baghlashning bimenilik ikenlikini ilgiri sürdi.
u yene, amérika parlaméntining rusiyege qarshi teyyarlighan jaza layihesi toghrisida toxtilip, söhbetler dawamlishiwatqan esnada jaza layihesining élan qilinishigha passipliq we moskwagha bésim ishlitishke urunush dep baha berdi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
